Erion Veliaj është konfirmuar për herë të dytë si kryetari i bashkisë së Tiranës, duke mposhtur bindshëm rivalin tij të Bindjes Demokratike, Arben Skënderin.
Menjëherë , pas shpalljes së rezultatit nga KQZ, Veliaj ka reaguar përmes një postimi në “Facebook”.
Ai shpreh respekt për rivalin e tij Skënderi, ndërsa shton se mezi pret edhe skuadrën e Këshillit Bashkiak, që të nisë me vendimet jetike.
“Tirana u kry! Mirënjohje e përulësi për secilin prej jush! Respekt për Arben Skënderin e gjithë bekimet e botës për familjen e tij! Mezi pres edhe skuadrën e Këshillit Bashkiak, ku përveç PS do të ketë edhe disa parti të tjera, që të nisim me vendimet jetike aty! Gara mbaroi! Tani le të përveshim mëngët për më shumë punë e vllazëri, përtej ndasive, siç i ka hije #TiranesQeDuam! Ka më shumë gjëra që na bëjnë bashkë, se ato që na ndajnë. Unë do jap më të mirën për Tiranën, të ftoj edhe ty të japësh sa mundesh! Të falenderoj e përqafoj! Forca! #BASHKE”.
Nga 919 kuti të numëruara Veliaj ka marrë 152230 vota, ose 94. 21 % të votave, ndërsa rivali i tij i Partisë Bindja Demokratike, Arben Skenderaj ka mundur të marrë 9. 364 vota, ose 5. 79% të votive./ Opinion.al E.Xh.
