Mes emocioneve për fitoren e Botërorit të Femrave në Futboll nga Spanja, një episod i sikletshëm është kapur nga mediat dhe është bërë viral në rrjet.
Teksa po jepeshin medaljet për futbollistet e Spanjës që fituan Botërorin e Femrave me Anglinë, Presidenti i Federatës Spanjolle të Futbollit, Luis Rubiales, ka puthur në buzë futbollisten Jenni Hermoso.
Hermoso u pyet për përqafimin pas ndeshjes nga televizioni spanjoll La 1 dhe tha: ‘Eh…, nuk më pëlqeu kjo.’
Ajo tha të njëjtën gjë kur u pyet në një transmetim live në Instagramin e saj nga dhomat e zhveshjes së Spanjës.
Pamjet e puthjes janë bërë virale në internet që kur u panë në transmetim, me disa mbështetës që kritikuan jashtëzakonisht sjelljen e Rubiales. Një tifoz i zemëruar tha: ‘Sjellja e Rubiales në atë podium ishte shumë e papërshtatshme!’
Një tjetër shtoi: “Kjo është thjesht e tmerrshme, nuk ka absolutisht asgjë që justifikon sjelljen e Rubiales”.
Një tjetër person i zemëruar theksoi përbuzjen ndaj qëndrimit të një figure të lartë në futbollin spanjoll.
“Presidenti i FA e bën këtë në skenën më të madhe të sportit me zyrtarë pranë tij, të rrethuar nga kamera. Shumë shqetësuese, dhe sinqerisht, shqetësuese”-tha ai.
Ndërsa Presidenti i Federatës nuk i kushtoi rëndësi veprimit të tij, duke thënë se ishte një shfaqje e vogël dashurie, ndërsa komentet i konsideroi “idiotizma”.
“Puthja me Jenni? Ka idiotë kudo. Kur dy njerëz japin një shfaqje të vogël dashurie, nuk mund të dëgjojmë idiotësitë. Ne jemi kampionë dhe kjo ka rëndësi”, tha ai.
Spanja fitoi për herë të parë Botërorin e Futbollit të Femrave duke mundur 1 me 0 Anglinë.
