Një tjetër vatër tashmë konfirmohet nga murtaja e bagëtive.
Autoriteti Kombëtar i Veterinarisë dhe Mbrojtes së Bimëve bën të ditur se dy vatrat e konfirmuara janë në zonën e Shkodrës dhe të Dibrës.
Pas vendosjes në karantinë të fermës në Shkodër, vatra tjetër e dyshuar është identifikuar në zonën e Martaneshit, Dibër ku janë marrë kampionë dhe pritet përgjigjja laboratorike.
Autoritetet bëjnë të ditur se në dy fermat që kanë rezultuar pozitive me Murtajë janë eliminuar të gjitha kafshët, me një total prej 156 krerë.
Ndërkohë aktualisht po zhvillohen kontrolle intensive në të gjithë vendin për të mbajtur situatën nën kontroll: 41 grupe veterinerësh janë në terren për kontrollin e fermave dhe tregjeve të kafshëve të gjalla. Janë ngritur grupe pune në akset rrugore, në bashkëpunim me Policinë e Shtetit dhe bashkitë.
Që nga identifikimi i rastit të parë janë kontrolluar 301 ferma, me gjithsej 46,324 krerë dhen e dhi./tvklan
