Marina Fara, vajza e këngëtares së njohur Eli Fara, javën e fundit ka qenë ndër emrat më të lakuar në titujt kryesorë të portaleve e mediave rozë.
Fejesa e saj e papritur me biznesmenin nga Shkodra Edi Ismaili është komentuar mjaft në rrjetet sociale, aq sa për Ismailin janë zbuluar edhe histori të tjera të mëparshme me personazhe të njohur shqiptarë.
E ftuar në “Thumb” këtë të shtunë, përvec të tjerave, Eli Fara ka treguar edhe për marrëdhënien e vecantë që ka me të bijën, e cila prej vitesh jeton e pavaruar: “Marrëdhënia me Marinën është shpirtërore, ashtu sic duhet të jetë marrëdhënia nënë e bijë. Marina më jep shumë kënaqësi, është mjaft e dashur, e edukuar edhe ndihem mjaft mirë…” thotë këngëtarja e njohur r muzikës popullore.
Po si ndihet e ëma e Marinës pas titujve që kanë shoqëruar vajzën e saj kohët e fundit? “E kam thënë edhe herë tjetër që nuk më pëlqen kjo pjesa “e bija e filankës”, “i biri i filanit”, është abuzim besoj…”
Më shumë se marrëdhënie nënë e bijë, Eli dhe Marina kanë një marrëdhënie motrash a shoqesh të ngushta. Dhe kjo është lehtësisht e dukshme edhe në profilet e tyre sociale. Megjithatë, rolin e nënës, Eli nuk e përjashton dot, ndaj vazhdon akoma me këshillat për të bijën (në mënyrë të moderuar, pa dyshim): “E këshilloj për të pasur kujdes në përgjithësi, qëllimet, rrugën, mënyrën e jetesës, për shumë gjëra…” /Class/
