Botërori 2018 është padyshim ai i surprizave. Teksa mungojnë shumë prej skuadrave të konsideruara favorite, ditën e djeshme ishte radha e Spanjës të shkonte në shtëpi. Në një lojë ku goli i avantazhit mungoi, Spanja dhe Rusia kaluan në penallti, të cilat do rezultonin fatale për “La Roja”.
Pas humbjes së penalltive, Sergio Ramos duket të ketë qenë lojtari që e ka përjetuar më keq eliminim e skuadrës së tij. Ai nuk i ka mbajtur dot lotët, dhe ka qenë pikërisht Fernando Hierro ai që ka shkuar ta ngushëllojë.
Në mes të festës ruse, edhe Dani Carvajal ka shpërthyer në lotë, ndërsa futbollistët kundërshtarë i japin një përqafim kurajues. Spanja ishte skuadra e tretë që u eleminua në 1/8 duke ndjekur pas Argjentinën dhe Portugalinë.
