Ndeshja e djeshme mes Suedisë dheZvicrës, e cila përfundoi me rezultatin 1-0, duke sjellë eliminimin e zvicerianëve, veç trishtimit të tifozëve, ka sjellë edhe komente të ndryshme rreth skuadrave. Trajneri i ekipit anglez për femra, Phil Neville, ka sulmuar ashpësh futbollistin shqiptar të kombëtares zvicerianë, Xherdan Shaqirin duke e quajtur atë një turp.
“Unë nuk jam tifoz i Shaqirit, ai ishte një turp në ekipin e Stoke, sjellja e tij ishte shokuese. Ata ishin joprofesional sezonin e kaluar, Stoke. Nuk ka dyshim dhe ai është shembulli për këtë. Ai mund të shënonte golin e turneut, por zgjodhi të jetë atje për tri ndeshje, të mos bëjë asgjë dhe vetëm të tundet. Të jem i sinqertë me ju, me të, lojtarë të tillë nuk mund të kem”, është shprehur Phil.
Nga ana tjetër portali irlandez “Sportsjoe”, e ka mbrojtur Shaqirin duke shkruar se komenti i Phil ishte qesharak.
“Pikë së pari, Shaqiri nuk ishte një “turp” sezonin e kaluar. Në fakt, ai ishte lojtari më i mirë i Stoke. Në 36 ndeshje të Premier League, ai shënoi 8 gola dhe regjistroi 7 asistime. Shaqiri ishte golashënuesi më i mirë i skuadrës. Ai gjithashtu u paraqit shumë mirën ë Kupën e Botës. 26-vjeçari ka vendosur barazimin e Zvicrës kundër Brazilit në ndeshjen e parë të turneut. Pastaj shënoi golin e fundit kundër Serbisë.
Phil Neville ka punuar si një ekspert në Premierligë sezonin e kaluar dhe është pjesë e ekipit të ekspertëve të BBC në Rusi. Ai paguhet për të parë ndeshje që përfshijnë Shaqirin dhe ende arrin të bëjë një deklaratë kaq qesharake”, shkruan portali irlandez
