Ish-presidenti i Bolivisë Evo Morales mësohet se ka pranuar azilin politik në Meksikë, një ditë pasi dha dorëheqjen për shkak të protestave për mashtrime zgjedhore.
Përmes një postimi në Twitter ai u shpreh se ishte mjaft e dhimbshme të largohet nga Bolivia, megjithatë do të kthehet me më shumë “fuqi dhe energji”. Largimin e Morales me një avion të qeverisë meksikane e ka konfirmuar Ministri i Jashtëm i Meksikës, Marcelo Ebrard.
Ushtria në Bolivi urdhëroi trupat që të mbështesin policinë, e cila është përleshur me mbështetësit e Morales. Rreth 20 vetë u plagosën gjatë kësaj përleshje.
Morales më herët, u ka bërë thirrje mbështetësve të tij që t’u rezistojnë, “fuqive të errëta” që e kanë detyruar të japë dorëheqje.
Deri në zhvillimin e zgjedhjeve do të nënkryetarja e Senatit, ajo e cila do të marrë përsipër udhëheqjen e përkohshme të Bolivisë. Morales u zgjodh për herë të pare President në vitin 2006./Opinion.al/
