Lauren Sanchez, moderatore e njohur televizive njëherësh e dashura e themeluesit të Amazon Jeff Bezos, i ka kërkuar divorcin bashkëshortit të saj prej 14 vitesh, Patrick Whitesell.
Sanchez ka depozituar në gjykatë dokumentet e divorcit ndërsa të dy do të luftojnë për kujdestarinë e fëmijëve.
Historia jashtëmartesore e Sanchez dhe Bezos u bë publike në fund të muajit dhjetor kur Bezos akuzoi revistën “National Enquirer” se e ka kërcënuar me publikimin e fotove kompromentuese dhe mesazheve private intime.
Nga ana tjetër, Jeff Bezos u divorcua nga bashkëshortja disa ditë më parë me një proces të qetë, i cili i kushtoi rreth 36 miliardë dollarë. Ish-bashkëshortja e tij do të jetë aksionerja e tretë e “Amazon” si dhe do të renditet e 4-ta në listën e grave më të pasura të botës. Divorci i miliarderit me pasuri 232,8 miliardë dollarë, ka shënuar rekord, duke qenë më i kushtueshmi në histori.
Më në fund, Bezos dhe Sanchez mund ta jetojnë romancën e tyre lirisht!/Opinion.al
