Emisioni “Stop” në Tv Klan ka shkuar në Përrenjas, ku takoi zotin Pasho Dashi, i cili nga një martesë 13 vjeçare me Zamirën, ka 3 djem 13, 11 dhe 3 vjeç.
Bashkëshortët u ndanë dhe gjykata i la 2 djemtë më të rritur babait dhe djalin 3 vjeç nënës. Takimi i fundit, që kanë pasur me njëri-tjetrin, ka qenë në Dhjetor të vitit 2024 dhe prej 5 muajsh babai nuk e ka parë djalin e vogël, ndërsa nëna nuk ka parë dy djemtë e tjerë.
“Jam i martuar para 12 vjetësh dhe nga kjo martesë kam 3 djem. I madhi është 13 vjeç, tjetri nesër mbush 12 vjeç, kurse i vogli mbush 3 vjeç. Kam 3 vjet pa ua takuar me djalin e vogël. Para disa kohësh më thoshte ‘ta harrosh Roanin, po s’u bashkuam’, kurse tani më thotë ‘ta harrosh djalin e vogël’, po s’mi solle ti mua i pari. Takimi i fundit që kam bërë me djalin e vogël ka qenë në Dhjetor të vitit 2024, atëherë ka takuar edhe ajo 2 djemtë më të rritur. Nuk jemi takuar, komunikim kemi, por për fëmijët nuk më jep as të flas në telefon. Nuk i kërkon fare 2 djemtë e tjerë”, tha për mikrofonin e emisionit “Stop” denoncuesi.
Si të mos mjaftonte kjo situatë e rëndë, 2 djemtë e rritur i thërrasin në emër të ëmën dhe ushqejnë inat e urrejtje ndaj saj.
“Kemi dhe një vëlla tjetër, por vëllai është me Zamirën (e ëma). Ne nuk e quajmë për mami atë, sepse ne nuk e duam atë. Ne mami i thërrasim njerkës së dytë. Nuk i thërrasim mami sepse na ka bërë gjithë të këqijat, kur ishim fëmijë ne dhe bënim gabime, nuk na fliste, por na rrihte. Më ka marrë malli shumë për vëllain, por për mamin jo”, tha njëri nga djemtë.
“Stop” shkoi në fshatinRodokal të Pogradecit, ku kishte të dhëna, se në këtë fshat jetonte Zamira Dashi me djalin e vogël, por e ëma tha që ajo jeton në Tiranë.
Pas interesimit të gazetares së emisionit “Stop”, u bë e mundur gjetja e vendndodhjes së zonjës Dashi e pas negociatave me të dy prindërit, u bë i mundur edhe bashkimi i fëmijëve dhe takimi i tyre me prindërit./tvklan.al
