Pas ezaurimit të seancës së parë për zgjedhjen e Presidentit të ri, ku nuk u paraqit asnjë kandidaturë, kryeministri Edi Rama tha se kjo ishte një shprehje e vullnetit që ka mazhoranca për të gjetur gjuhen e përbashkët me opozitën, e cila prej më shumë se dy muajsh nuk shkon në Kuvend. Më tej Rama tha se votat për ta miratur presidentin janë, por kjo hapësirë është po ashtu e nevojshme për të gjetur një emër për President të paanshëm.
“Sot ishte një tjetër shprehje, ne sikundër e kemi thënë më parë, për t’i dhënë të gjithë hapësirën brenda kornizës kushtetuese, brenda rregullave të lojës demokratike të PD, dhe atyre që bashkë me të që janë , nuk paraqitën një kandidat se duam të krijojmë mundësinë që të gjejmë me atë pjesë që na mungon në parlament një konsensus për një figurë presidenciale. Unë jam i duruar se besoj te durimi kur është kufiri i durimit, përsa i përket Presidentin duam t’i kthejmë atij institucionin dinjitetin, figurë që të ngrihet mbi palët, dhe të ketë paanshmëri, dhe jo figurë të anshme si kjo që kemi. Ne do presim, më mirë një President i duhur e i pranuar nga sa më shumë. Ne nuk e kemi kuptuar asnjëherë fuqinë tonë, si motiv për të qenë arrogant, por për të qenë të duruar,” ka deklaruar Rama.
