Anëtarët e Komisionit Hetimor për çështjen Tahiri kanë përfituar sot certifikatat e sigurisë nga Drejtoria e Sigurimit të Informacionit të Klasifikuar (DSIK). Sipas burimeve të “Balkanweb”, thuhet se anëtarët e Opozitës tashmë do të kenë akses në shqyrtimin e dokumenteve të cilësuara sekrete në disa institucione të larta të vendit përfshi këtu edhe Shërbimin Informativ Shtetëror. Bëhet fjalë për dokumente apo informacione në lidhje me fenomenin e kultivimit të drogës në vend.
Ditën e djeshme deputeti Enkelejd Alibeaj ka denoncuar mungesën e këtyre certifikatave duke akuzuar kryeministrin Rama si shkakun e këtij bllokimi, por menjëherë pas denoncimit të tij, ka ardhur edhe aprovimi i DSIK.
