Me siguri jeni në dijeni për “kryqëzimin” e Facebook prej skandalit të Cambridge Analytica, një kompani kjo pro Trump e cila përdori të dhënat e dhjetëra million përdoruesve. Nëse kjo ju tremb, ka lajme të këqija edhe për Instagram. Facebook ka në pronësinë e saj edhe Instagram. Kjo do të thotë është e përfshirë në skandalin e të dhënave private të shpërndara.
Instagram i lejon reklamuesit të ndërtojnë profile të detajuara me anë të përshkrimit të grupeve të interesit. Këtë e bën me ndarjen në kategori dhe nënkategori, duke filluar që nga bindja politike, shkollimi, e deri te fakti nëse jeni “të rinj e modern”.
Prolemi këtu është që në momentin që reklamuesit kanë në dorë këto të dhëna, ata gjithashtu mund t’i përdorin për dizinformim njësoj si në Facebook. Modeli i biznesit të rrjetit social është vërtetë problematik: kompani të ndryshme mund të kenë akses te të dhënat pa qenë nevoja t’i hackerojnë.
Shitja e të dhënave nga Instagram ka ndodhur edhe më parë. Platforma sociale ka “strehuar” në vitin 2016 plot reklama ruse pro Trump, të cilat kanë qenë të sponsorizuara. Kjo do të thotë që ata kanë përdorur disa të dhëna demografike që i zotërojnë edhe reklamuesit që sponsorizojnë këpucë e rroba.
Lajmi i keq është që nuk ka asnjë formë që mos përdoren të dhënat personale nga kompani të ndryshme. E vetmja zgjidhje është fshirja e llogarive në Face book dhe Instagram./Opinion.al
