Taulant Balla bëri një deklaratë për shtyp pas publikimit të përgjimeve ambientale të Partisë Demokratike për implikimin e Agron Xhafaj në trafikun e drogës. Sipas Ballës përgjimet duhet të provoheshin që janë autentike, pasi mund të jenë shpifje të Opozitës. Kjo ka ngjallur reagimin e deputetit demokrat, Luçiano Boçi, i cili me anë të një statusi në Facebook, e quan si të pafytyrë këtë deklaratë.
Statusi i plotë:
PAFYTYRËSI PA KUFI
E pafytyrë fare kjo deklarata e PS-së!!!
Dhe qesharake pa fund, njëkohësisht.
Ne që tregojmë të vërtetën për mafian që drejton vendin, për zullumet e trashura, për varfërimin progresiv, për taksat galopante, për çdo gjë të zezë që ndodh, ne pra sipas këtyre, duam të pengojmë hapjen e negociatave?!!!
“Hapu dhe!!!- thërret Nakja i portokallisë.
Ndërsa këta, dora vetë mafia, që kanë kriminalizuar gjithçka në këtë vend, që grabisin çdo ditë, që mbjellin mjerim e që kanë dështuar çdo gjë, këta, nuk na paskan asnjë përgjegjësi?!!!
“Po mirë mo! – thotë populli me ironi – Ai që vodhi lopën nuk ka ansnjë faj?!!!”
