Kreu i grupit të Partisë Socialiste, Taulant Balla pas mbledhjes së Konferencës së Kryetarëve tha se PS do vazhdoj ti qëndroj marrëveshjes së 18 majit mes Ramës dhe Bashës për reformën zgjedhore. “Ne i qëndrojmë paktit të 18 majit për reformën zgjedhore, por opozita nuk ka gati anëtarët. Nuk do të isha në favor të një komisioni me përbërje shumë të madhe dhe do doja që të ishin ekspertët ata që duhet të flasin me shumë se politikanët. Komisioni do ketë numër të barabartë anëtaresh nga mazhoranca dhe opozita”- tha Balla.
Me tej Balla tha se qeveria ka një plan që në bashkëpunim me institucionet ligjzbatuese dhe me mbështetjen e Kuvendit, që të luftojnë krimin e organizuar, duke komentuar kështu deklaratat e forta të ambasadorit Lu ditën e hënë.
“Dua të mos flas përpara autoriteteve ligjzbatuese por dua të them shumë qartë që qevria jonë ka një plan të mirëkoordinuar me gjithë institucionet ligjzbatuese dhe në çdo rast që duhet mbështetja e Kuvendit për të goditur shtetin në krimin e organizuar ajo do të jëtë e sigurt. Do adresohet cdo shqetësim jo vetëm i ambasadorit por edhe i cdo shtetasi për forcimin e ligjeve në Shqipëri”, tha Balla. /Opinion.al
