Komisioni i Reformës Zgjedhore është mbledhur këtë të premte online, ku do të mbahet një seancë dëgjimore me Organizatat e Shoqërisë Civile.
Kjo mbledhje ishta parashikuar të mbahej fizikisht më 6 shkurt, por u anulua për shkak të kaosit të krijuar nga deputetët e opozitës.
Drejtuesi i kësaj mbledhje Damian Gjiknuri, bëri prezantimin e të gjithë pjesëmarrësve, ndërsa tha se koha e secilit nuk duhet të kalonte 15 minuta.
Enkelejd Alibeaj i cili është bashkëkryetar i këtij komisioni mbajti fjalën e tij hapëse ku tha se mirë do të ishte që përveç përshkrimit, ata të dorëzojnë me shkrim propozimet e tyre.
“Iu kërkoj ndjesë për moszhvillimin e kësaj mbledhje disa ditë më parë, për arsye që tashmë dihen. Besoj kam mirëkuptimin tuaj dhe kjo është një mënyrë që do u japë mundësi të shprehni pikëpamjet tuaja mbi atë se çfarë duhet të diskutojë komisioni i Reformës Zgjedhore. E mira do të ishte që përveç përshkrimit të asaj se çfarë mendoni, të depozitoni në formë të shkruar materialet që do të prodhoni gjatë kësaj periudhe”, tha Alibeaj.
