Pas Bledar Muçës, gjendet i vdekur një tjetër shqiptar në Belgjikë

Disa ditë pas vrasjes se Bledar Muçës në Belgjikë, një tjetër shqiptar raportohet i vdekur në po në këtë shtet. Ai është gjetur i pajetë në një bllok apartamentesh në qendër të qytetit Roeselare.
Sipas mediave belge, fqinjët dëgjuan një zhurmë rreth orës 4:30 të mëngjesit. Më pas disa banorë shkuan për të parë dhe gjetën trupin e një burri në fund të shkallëve.
“Burri kishte lëndime në pjesën e pasme të kokës”, thotë Tom Janssens një prokurorët që po hetojnë ngjarjen.
“Një mjek policie ka shkuar në vendin e ngjarjes. Agjentët e policisë gjithashtu po ekzaminojnë vendndodhjen. Ne e konsiderojmë këtë si një vdekje të dyshimtë dhe jemi në pritje të rezultateve të para të hetimit”, thuhet nga autoritetet belge.
Pak ditë më parë, në Antwerp të Belgjikës, u vra në një atentat 39-vjeçari shqiptar, Bledar Muça, krahu i djathtë i fisit Çapja në Elbasan./Opinion.al