SHBA do të vendos sanksione ndaj Presidentit rus Vladimir Putin dhe Ministrit të Jashtëm Sergei Lavrov. Me këtë vendim SHBA i bashkohet, BE dhe Britanisë së Madhe.
Në një komunikim me gazetarët, sekretarja e shtypit e Shtëpisë së Bardhë Jen Psaki tha se SHBA, “në përputhje me vendimin e aleatëve tanë evropianë”, do të vendosë sanksione ndaj Putinin, Lavrovin dhe “anëtarët e tjerë të ekipit rus të sigurisë kombëtare”.
Ndërsa sanksionet e Mbretërisë së Bashkuar dhe BE-së ndaj Putinit dhe Lavrovit do të sjellin një ngrirje të aseteve, jo ndalime udhëtimi, zonja Psaki u thotë gazetarëve se masat e SHBA do të përfshijnë një ndalim udhëtimi. Psaki thotë se detaje më specifike mbi sanksionet do të publikohen më vonë.
