Dragos Savulescu bashkëshorti i modeles shqiptare Angela Martinit, i arrestuar dy ditë më parë në Mykons, është liruar nga ambientet e paraburgimit në Greqi. Aktualisht, ai është vendosur në arrest shtëpiak dhe nuk lejohet të largohet nga Greqia.
Dragos është lënë i lirë, pasi është verifikuar që çështja e tij është mbyllur në Itali. Pavarësisht pretendimeve të autoriteteve rumune, Gjykata Italiane ka vendosur që Dragos të lihet i lirë.
Savulescu u arrestua nga autoritetet greke, pas një postimi në rrjete sociale të Angela Martinit, ku zbulohej ai.
Në fillim të vitit 2019, Dragoș Savulescu, u dënua me 5.5 vjet burg, për përfshirjen e tij në një skandal të madh ekonomik në Rumani së bashku me ish-kryebashkiakun e Konstancës, Radu Mazare, Cristi Borcea dhe të pandehur të tjerë që u shpallën fajtorë për përvetësimin e një totali prej 114 milionë eurosh.
Mediat greke raportuan se për kapjen e tij u angazhua roja bregdetare dhe zyrtarë të Nën Drejtorisë së Policisë së Mykonos./Opinion.al
