Rreth një orë pasi bëri apelin e tij për një protestë paqësore, Presidenti Ilir Meta postoi një foto nga Lezha në shoqërinë e Arta Dades dhe Nikollë Lesit.
“Bashkë me Nikollën dhe me një Trëndafil që spikat mes trëndafilash, në Spiten, Lezhë.
Me Artën sot ndamë shumë kujtime dhe ide.”, shkruan Meta në Facebook.
Kujtojmë se Arta Dade prej disa kohësh tashmë ka shprehur kritikat e saj për kryeministrin Rama. Ajo e ka akuzuar atë për deformim të demokracisë brenda Partisë Socialiste dhe paaftësi në politikën e jashtme.
Nga ana tjetër Nikollë Lesi e ka mbështetur figurën e Ilir Metës që kur ai u zgjodh president, “Ilir Meta i ka, fatmirësisht, eksperiencat shtetare të një njeriu politik ku ka provuar gjithë postet nga deputet, minister, zv/kryeministër, kryetar partie, kryeministër dhe kryetar parlamenti” ka shkruar Lesi.
Kujtojmë se Presidenti Meta ka bërë apele të vazhdueshme dje dhe sot që palët të ulin gjakrat dhe të normalizojnë situatën në vend. Ai madje deklaroi se është i gatshëm të rishikojë edhe mandatin e tij me qëllim që të zgjidhet kriza politike në vend, por njëherësh të ruhet stabiliteti dhe të garantohet rendi e siguria kushtetuese. /Opinion.al
