Qeveria amerikane ka propozuar ndryshimin e përcaktimit të kokave të dushit për të lejuar rritjen e rrjedhës së ujit, pas ankesave nga Presidenti Donald Trump.
Sipas një ligji të vitit 1992, kokat e dushit në SHBA nuk lejohen të prodhojnë më shumë se 9.5 litra ujë në minutë.
Administrata Trump dëshiron që ky limit të zbatohet për secilën vrimë, e jo për të gjithë kokën e dushit.
Ndryshimet u propozuan nga Departamenti i Energjisë të mërkurën pas ankesave nga Trump në Shtëpinë e Bardhë muajin e kaluar.
“Pra, kokat e dushit – ju bëni dush, uji nuk del. Ju dëshironi të lani duart, uji nuk del. Pra, çfarë bëni? Ju thjesht qëndroni atje më gjatë ose bëni dush më gjatë? Sepse flokët e mi – nuk di për ju, por duhet të jenë të përsosur”, tha ai.
Andrew deLaski, drejtori ekzekutiv i grupit të ruajtjes së energjisë Projekti i ndërgjegjësimit të Standardeve të Aplikimit, tha që propozimi ishte “pa kuptim”.
“Nëse presidenti ka nevojë për ndihmë për të gjetur një dush të mirë, ne mund ta drejtojmë atë në disa faqe të shkëlqyera të konsumatorëve që ju ndihmojnë të identifikoni një dush të mirë që siguron një prurje të dendur uji dhe një dush të mirë,” shtoi ai.
David Friedman, nënkryetar i advokimit në organizatën Consumer Reports, tha se kokat e dushit në SHBA tashmë “arrijnë të kënaqin klientët”, edhe kursejnë para.
Propozimi mund të përballet me beteja gjyqësore nëse përparon, raporton agjensia e lajmeve Reuters./ Opinion.al
