Kryeministri Edi Rama e ka nisur ditën e sotme duke iu përgjigjur kritikëve që nuk besojnë tek premtimet e tij.
Përmes një postimi në rrjetet sociale, Rama ka publikuar pamjet e stadiumit të ri të Kukësit, ndërsa thekson se ky projekt po kalon nga 3D në realitet.
Kryeministri shprehet me ironi se “dhe një selam për përqeshësit e kësaj faqeje, që nuk pushuan së shari e së thëni se ishte thjesht një mashtrim”.
“MIRËMËNGJES? me një tjetër projekt të premtuar për Kukësin që po kalon nga 3D në realitet (dhe një selam për përqeshësit e kësaj faqeje, që nuk pushuan së shari e së thëni se ishte thjesht një mashtrim 3D)?”-shkruan Rama.
Kujtojmë që kryeministri Rama ka disa vite qe ka premtuar aeroportin në Kukës, por deri më tani ky premtim nuk është realizuar. Rama deklaronte gati dy vite më parë se brenda pak muajve do të nisin punimet për aeroportin e Kukësit dhe se brenda pak kohësh ai do të ishte funksional, por siç mund ta shikojmë pas 2 vitesh aeroporti ende nuk ka përfunduar./ Opinion.al
Premtimi i Ramës për aeroportin
