Channing Tatum dhe Jenna Dewan janë ndarë pas 9 vitesh së bashku. Lajmin e ka bërë publik vetë çifti me anë të një deklarate të përbashkët.
“Përshëndetje! Kemi diçka shumë të rëndësishme për t’ju thënë. Jetojmë në kohëra në të cilat e vërteta mund të shtrembërohet, prandaj duam t’ju tregojmë të vërtetën, ta lexoni këtu dhe të jeni të bindur që s’është shpikje. Kemi zgjedhur me dashuri të ndahemi si çift. Ne ramë në dashuri me njëri-tjetrin shumë kohë më parë dhe kaluam vite magjike bashkë. S’ka ndryshuar asgjë, e duam shumë njëri-tjetrin , por kjo dashuri po na çon në rrugë të ndryshme.
Nuk ka sekrete dhe as ndodhi skandaloze në qendër të vendimit tonë. Jemi thjesht dy miq të mirë që po kuptojmë se është koha të kërkojmë pak hapësirë dhe të ndihmojmë njëri-tjetrin të jetojmë të lumtur dhe të përmbushur. Jemi ende një familje dhe do të jemi gjithmonë prindër të përkushtuar për vajzën tonë, Everly-n. Nuk komentojmë asgjë më shumë dhe ju falenderojmë që po respektoni privatësinë e familjes sonë. Duke ju dërguar dashuri të gjithëve, Chan & Jenna”.
Ata u lidhën në vitin 2006 ndërsa në 2009 vendosën të martoheshin. Ata i kanë habitur të gjithë pas këtij vendimi të papritur, pasi shumë fansa e shihnin dashurinë e tyre si të përjetshme.
