Bota

Pas 7 vitesh negociata, BE dhe Kina arrijnë një marrëveshje investimi


Bëhu pjesë e Grupit Zyrtar të Opinion.al
>> KËTU <<
               Publikuar në : 17:44 - 30/12/20 |
Semiljana Azizi

Bashkimi Europian dhe Kina janë dakordësuar në parim për një marrëveshje investimi biznesi pas plot shtatë vitesh negociatash.

Lajmi është bërë i ditur nga presidentja e Komisionit Evropian Ursula von der Leyen nëpërmjet një postimi në rrjetet sociale.

“Sot, BE dhe Kina përfunduan në parim negociatat për një marrëveshje investimi,” tha Ursula von der Leyen në Twitter.

Njoftimi erdhi pasi udhëheqësit nga të dy palët u takuan ditën e sotme  përmes një lidhjeje me video. Në takim morën pjesë Presidenti i Këshillit Europian, Charles Michel dhe Presidentja e Komisionit Europian, Ursula von der Leyen gjithashtu edhe Presidentin Xi Jinping duke folur në emër të Kinës .

“Kjo marrëveshje ka një rëndësi të madhe ekonomike dhe gjithashtu lidh palët në një marrëdhënie investimesh të bazuar në vlera, të bazuara në parime të zhvillimit të qëndrueshëm,” thanë Këshilli Evropian dhe Komisioni Evropian në një deklaratë.

Një moment historik për ekonominë, i cili përmirëson aksesin në një treg kryesor global dhe krijon një fushë të barabartë konkurence për kompanitë tona”, një akses që Kina nuk i ka dhënë kurrë asnjë vendi”, komentoi nënkryetari i Komisionit të BE-së përgjegjës për tregtinë, Valdis Dombrovskis.

Marrëveshja nuk do të zgjidhë të gjitha sfidat tona me Kinën, të cilat mbeten të shumta, por ajo i lidh ato në mënyrë të konsiderueshme në drejtimin e duhur”, perfundoi ai./Opinion.al

Pas