Ata e kurorëzuan martesën e tyre në dhjetor të vitit 2018, pas më shumë se 10 vite lidhje me uljet dhe ngritjet e saj.
Por duket se vetëm pas 8 muajsh çifti i artistëve Miley Cyrus dhe Liam Hemsworth kanë vendosur të ndahen.
Lajmi është bërë i ditur nga “E! Online”, ku thuhet se të dy kanë rënë dakord për divorcin.
“Miley dhe Liam kanë rënë dakord të ndahen këtë herë. Ata kanë vendosur të dy që më e mira është që të fokusohen tek vetja dhe karriera e tyre. Miley dhe Liam vazhdojnë ende të jenë prindër të dedikuar ndaj gjithë kafshëve të tyre që kanë bashkë”,-janë shprehur përfaqësuesit e tyre.
Gjithashtu në komunikatë është kërkuar që të respektohet nga njerëzit procesi i ndarjes së tyre. Gjatë këtyre 6 muajve të martesës së tyre dukej se gjithçka po shkonte mirë, madje edhe disa aludime për ndarje më herët Miley dhe Liam i kishin mohuar.
Ndonëse nuk dihej që mes tyre ekzistonte një krizë, duket se ka patur mjaft probleme që çuan në vendimin për divorc./Opinion.al/
