Një 55-vjeçar ka mbetur i shokuar kur ka zbuluar se ai nuk ishte babai biologjik i tre djemve të tij.
Për 21 vite me radhë, milioneri Richard Mason është kujdesur për fëmijët, por pa e ditur se ai nuk është babai i tyre.
Mason ka mbetur i tronditur kur ka zbuluar se bashkëshortja e tij e kishte mashtruar dhe se fëmijët e tij kishin një tjetër baba biologjik.
Të vërtetën ai e zbuloi tre vite më parë, kur iu nënshtrua një testi të ADN-së ndërsa mjekët i thanë se vuante nga fibroza cistike, e cila e kishte bërë jopjellor gjatë gjithë jetës së tij.
Ish-gruaja e tij e pranoi situatën përmes një teksti, ndërsa i kërkoi edhe falje. Por 55-vjeçari tani do të marrë të paktën 250 mijë paundë dëmshpërblim.
Dokumentet zyrtare tregojnë se zonja Mason kishte deklaruar një interes të beftë për judaizmin kur kishte rënë shtatzënë për herë të parë. Ajo ka vendosur që të mos e identifikojë babanë biologjik të fëmijëve.
Ndërkohë që dy fëmijët e mëdhenj refuzojnë që t’i flasin, Richard ka marrë një mesazh të ëmbël nga djali i vogël, i cili i thotë se gjithmonë do jetë pranë tij.
“Sigurisht që do të rri në kontakt me ty, kjo nuk do të ndryshojë asnjëherë… Do të jem gjithmonë për ty dhe ti do jesh gjithmonë babai im. Të dua”, i shkruan djali i vogël.
