Sasi të mëdha droge janë duke u kapur nga policia në një sërë operacionesh të shtrira në disa qytete. Kështu pas Vlorës, ku u kapën rreth 15 ton kanabis sativa, policia tha se ka gjetur dhe sekuestruar 700 kg të tjera tek Plazhi i Gjeneralit në Kavajë.
Mësohet se lënda narkotike po transportohej në një automjet furgon dhe në një fuoristradë në rrugën që lidh fshatrat Hajdaraj dhe Bago.
Lënda narkotike ishte gati për t’u trafikuar në Itali, ndërsa mësohet se janë arrestuar 4 persona. Dyshohet se edhe kjo drogë ishte ngarkuar në Vlorë. Operacionet vijojnë, tha policia.
