Ai është një nga këngëtarët më të mirë italianë, shumë i dëgjuar edhe në Shqipëri. Por duket se nga jeta personale nuk vijnë lajme të mira për Eros Ramazzottin.
Pas javësh të tëra spekullimesh është vërtetuar fakti se ai dhe bashkëshortja e tij, modelja Marica Pellegrinelli i kanë dhënë fund martesës së tyre 10-vjeçare.
Kanë qenë vet ata që konfirmuan ndarjen për fansat.
“Ai gjithnjë udhëton nëpër botë, i zënë me turne dhe koncerte, ajo është një modele në karrierë, një figurë e shumë markave të njohura të modës, e zhytur në punë”,-kanë thënë miqtë pranë tyre duke pohuar se shkak për ndarjen ishte distanca.
Eros dhe Marica po kalonin shumë pak momente së bashku, sipas miqve të tyre të afërt. Madje as dy fëmijët e tyre Raffaella Maria dhe Tullio Gabrio, nuk do të kishin arritur t’i mbanin së bashku. Për të njoftuar divorcin ata publikuan një deklaratë zyrtare.
“Kanë qenë 10 vite të mrekullueshme, së bashku kemi ndërtuar një familje të bukur dhe ishim shumë të lumtur në një mënyrë të paharrueshme. Ne jemi të qetë në zgjedhjen tonë të përbashkët dhe do të vazhdojmë të takohemi me njëri-tjetrin shpesh. Respekti dhe nderimi i ndërsjellë mbetet i pandryshuar. Ne ju lutemi, veçanërisht për qetësinë e fëmijëve tanë, të respektoni privatësinë tonë”.
Eros dhe Marica u njohën në vitin 2009, në skenën e Wind Music Awards, ku modelja i dha një çmim. Për këngëtarin italian, kjo është martesa e dytë që përfundoi, pas asaj me moderatoren Michelle Hunziker, me të cilën ka edhe një vajzë Aurorën./Opinion.al/
