Partizani turpëron Lushnjen duke i shënuar 6 gola

Partizani është rikthyer tek fitorja ditën e sotme duke shkatërruar ekipin e Lushnjes me rezultatin e thellë 6-0 në ndeshjen për javën e 22 të kampionatit shqiptar të luajtur në stadiumin ‘Selman Stërmasi’.
Pjesa e parë e takimit u mbyll në avantazh të Partizanit duke shënuar kështu 3 gola. Dy golat e parë u shënuar nga Bardhi në minutat 27′ dhe 34′, ndërsa goli i tretë u shënua nga Belica në minutat shtesë të pjesës së parë.
Me fillimin e pjesës së dytë shënoi Progni në minutën e 57′. Vetëm pesë minuta më vonë erdhi dhe goli i pestë i takimit nga lojtari Cardoso.
Ramadani vulosi gjithçka në minutën e 84′ duke i dhënë kështu fitoren Partizanit.
Në minutat e fundit portieri Hoxha u largua pas një dëmtimi në hundë dhe Culum u fut në portë, pasi Starova i kishte kryer të treja zëvendësimet, gjithsesi Lushnja nuk rrezikoi për asnjë moment.
Partizani ngjitet në vend të gjashtë në kuotën e 31 pikëve, 5 më pak se Kukësi i vendit të dytë dhe Flamurtari, por duke theksuar se kuqezinjtë kanë një ndeshjë më pak.