Ndeshja mes Partizanit dhe Kukësit e luajtur sot në “Loro Boriçi”, është mbyllur në barazim.
Pjesa e parë u mbyll 0:0, ndërsa në të dytën ka qenë Rexhinaldo i cili tronditi rrjetën e kryeqytetasve nga goditja e dënimit.
Por entuziazmi i Kukësit nuk zgjati shumë pasi Cuculi shkaktoi faull ndaj Asanit. Gjë e cila u vlerësua si penallti nga gjyqtari Enea Jorgji. Ka qenë po Asani i cili nuk gaboi nga pika e bardhë e penalltisë, duke balancuar kështu rezultatin e ndeshjes.
Ndërkohë, Partizani është 9 pikë para Kukësit, gjë e cila tregon se kryeqytetasit janë “me një dorë” te titulli./ Opinion.al E.Xh.
