Partizani nuk ia ka dalë të mposhti Bylisin në sfidën e fundit e javës së nëntë në Kategorinë Superiore. Përballja e luajtur në “Elbasan Arena” përfundoi 0-0 , duke bërë që të dyja skuadrat të ndanin nga një pikë.
Pjesa e parë nisi me duele të forta teksa nuk munguan rastet nga të dy krahët. Asani, Bardhi dhe Solomon tentuan golin për vendasit, teksa Edison Ndreca u shfaq i rrezikshëm për miqtë nga Ballshi.
Pjesa e dytë vijoi të jetë e luftuar, por niveli i lojës ishte i ulët dhe asnjë nga skuadrat nuk ia doli të dërgojë topinë në rrjetë.
