Partizani arriti të fitonte me shifrat 3-0, sfidën e javës së 25-të, në shtëpi ndaj Teutës. Partizani përfitoi edhe nga “dhurata” e një dite më parë nga Skënderbeu, që mposhti Kukësin në Korçë.
Mesfushori, Bruno Telushi kaloi shumë shpejt në avantazh “të kuqtë”, që në minutën e 5-të të takimit, ndërsa Hila dyfishoi rezultatin pas gati gjysmë ore lojë nga pika e 11-metërshit. Me shifrat 2-0 skuadrat u futën në dhomat e zhveshjes, ndërsa në pjesën e dytë, në minutën e 90 u shënua dhe goli i tretë nga Cinari.
Me këtë fitore, Partizani shkon në kuotën e 53 pikëve, në vendin e parë, plot 9 më shumë se Kukësi, dhe tashmë shpresat për t’u shpallur kampion rriten akoma më shumë. Teuta mbetet në vendin e tretë, me 40 pikë./Opinion.al
