Klubi i Partizanit ka rinovuar kontratën me trajneri Skënder Gega deri më 2020. Lajmi u konfirmua nga vetë klubi në një postim në faqen zyrtare në Facebook.
“Klubi njofton zgjatjen e bashkëpunimit me trajnerin Skënder Gega. Tekniku 55 vjeçar dhe klubi kanë rinovuar sot kontratën mes palëve, e cila do të jetë e vlefshme deri në vitin 2020. Gega i cili mori drejtimin e ekipit në fillim të këtij sezoni futbollistik, përgjatë gjysmës së parë të Kategorisë Superiore regjistroi një ecuri mjaft pozitive, duke siguruar edhe titullin simbolik “Kampion i Dimrit” në përfundim të dy fazave të kampionatit”, shkruhet në njoftim./Ri-De
*Foto Olsi Rama drejtor i Partizanit dhe Skënder Gega trajner
