Partizani dhe Kukësi luajnë sfidën kryesore të Superligës, sonte në orën 19:00. Dy skuadrat kryesojnë kampionatin dhe rezultati mund të ndikojë në fatin e titullit.
Përgatitjet e fundit tashmë janë bërë. Partizani dhe Kukësi janë gati për të dalë në fushën e lojës sonte në “Selman Stërmasi”.
Përballja në kryeqytet do të jetë më e rëndësishmja e Superligës dhe jo vetëm për javën e 32-të.
Luajnë dy ekipet që kryesojnë, pretendentët kryesorë për titull, ndonëse pranë tyre është edhe Skënderbeu kampion.
Në çfarë gjendjeje janë ekipet në prag të takimit?
Partizani duket se ka më shumë probleme. Trajneri Starova nuk do të ketë mbrojtësit Krasniqi dhe Ibrahimi, të pezulluar, ndërsa Mentor Mazrekaj është në dyshim. Lojtari i talentuar nuk u stërvit ditën e djeshme. Gjithsesi, mbrojtësi tjetër, Renato Malota, duket se e di sesi do të përfundojë ndeshja.
Kukësi është më i plotë. Të gjithë lojtarët janë të gatshëm, edhe mbrojtësi Shameti që pati shqetësime ditët e fundit. Trajneri Ernest Gjoka ka vetëm një dyshim për formacionin, Lenën apo Kalenë.
Gjoka bën analizën e tij.
Të dyja skuadrat janë të grumbulluara ditët e fundit përpara ndeshjes.
Partizani tek hoteli “Vila Park” pranë Liqenit Artificial, ndërsa Kukësi në hotelin e zakonshëm, ku është grumbulluar përpara çdo sfide të rëndësishme.
Biletat ndërkaq vazhdojnë të shiten. Pritet prani shumë e madhe e tifozëve të Partizanit, ndonëse edhe kuksianët do t’i shfrytëzojnë maksimalisht biletat që kanë në dispozicion.
Përballja e sotme në orën 19:00 do të drejtohet nga një arbitër I huaj. Bëhet fjalë për sllovenin Matej Jug, 36-vjeçar, dhe me përvojë të rëndësishme ndërkombëtare.
Në gusht të vitit të kaluar, ai drejtoi miqësoren e kombëtares shqiptare ndaj Marokut në “Loro Boriçi”.
Kërkesa për të ishte nga Partizani, ndërsa Kukësi nuk është e preferoi diçka të tillë. Kukësi e Partizani kryesojnë Superligën me nga 65 pikë, ndërsa Skënderbeu ka 62. /ABC
