Partizani e nisi aventurën europiane në turin e parë paraeliminator në Ligën e Europës, ndaj Slovan Bratislavës. Pas barazimit 0-0 me Slovan Bratislavën në ndeshjen e parë, të kuqtë përfitojnë nga pezullimi i Skënderbeut.
Ata nuk e luajnë ndeshjen e kthimit dhe direkt kalojnë në turin e dytë paraeliminator të Champions- it. Ky transferim bëri që të mbushet arka e “demave”, pasi kualifikimi ndaj Ferencvaroshit, si dhe përballja me Salzburgun në turin e tretë bëri që Partizani të arkëtojë rreth 690 mijë euro./panorama
Pas eliminimit të mbrëmshëm nga Salzburgu në Champions, të kuqtë kalojnë sërish në Ligën e Europës, por kësaj here në raundin “play off”, ku do të përfitojnë edhe 220 mijë euro shtesë.
Ndërsa shpenzimet në turin e parë në Ligën e Europës të Partizanit priten të mbulohen nga UEFA në bashkëpunim me FSHF-në.
