Pas djegies së mandateve nga ana e opozitës deputetët e rinj të cilët pranuan të futen në Kuvend shpesh herë janë etiketuar si “tradhtar”.
Gjatë një interviste televizive, dy deputetet e reja Edlira Hyseni dhe Majlinda Halili kanë rrëfyer përse vendosën të marrin mandatin e deputetit si dhe reagimet e tyre për sulmet e “opozitës së vjetër”.
Edlira Hyseni duket se e ka pritur me më shumë sportivitet çdo lloj sulmi, por ajo që e bën deputeten të ndihet keq është mënyra se si e ka pritur familja këtë situatë.
“Realisht asnjëherë nuk je gati për tu përballur me këtë lloj fature, ta themi. Sidomos opinioni, që është një gjë, sidomos në Shqipëri, mentaliteti shqiptar pjesën e opinionit e ka jetuar gjithmonë shumë fort. Mua më ka ndihmuar në këtë drejtim pak jetesa që kam bërë jashtë Shqipërisë, në atë idenë që secili ka opinionet e tij , nuk do iu pëlqesh të gjithëve, shpesh herë do të kritikojnë, prandaj kam bashkëjetuar pak më mirë. Më shumë kam vuajtur faktin e prindërve, familjarëve, që do të kishin mediat kundër në përbaltjen apo komentet e ndryshme ndaj meje.”-tha ndër të tjera Hyseni.
Ndërkohë, të pyetura nëse ende kanë miqësi me krerët e partive, ato janë shprehur se dikur kanë pasur raporte të mira, duke lënë të nënkuptohet krisja mes tyre./ Opinion.al E.Xh.
