Misioni vëzhgues i OSBE/ODIHR publikoi gjetjet e raportit paraprak për zgjedhjet parlamentare të 11 majit.
Përfaqësuesja e misionit, Farah Karimi deklaroi se partia në pushtet përfitoi nga përdorimi i burimeve administrative gjatë fushatës, duke krijuar kështu një avantazh të padrejtë.
Sipas saj, janë parë gjithashtu e disa raste për pretendime presionesh ndaj zgjedhësve sidomos nënpunësve të administratës publike.
“Administrata zgjedhore e menaxhoi procesin në mënyrë gjithëpërfshirëse.
Votimi nga jashtë vendit, i futur për herë të parë në Shqipëri, u menaxhua mirë pavarësish marrëveshjes politike të arritur me vonesë dhe miratimit me vonesë të kësaj iniciative dhe disa problemeve organizative.
Partia në pushtet përfitoi nga përdorimi i burimeve administrative gjatë fushatës, duke krijuar kështu një avantazh të padrejtë. Pamë gjithashtu e disa raste për pretendime presionesh ndaj zgjedhësve sidomos nënpunësve të administratës publike. Përveç kësaj, legjislacioni zgjedhor dhe interpretimi i tij i ngushtë ng administrata zgjedhore nuk parandaloi abuzimin.
Përqëndrimi i pronësisë së medias minoi pluralizmin e burimeve informative dhe krijoi autocensurë mes gazetarëve dhe 2 partive kryesore ishin ato që dominuan burimin e lajmeve, duke ua bërë të pamundur zgjedhësve të bënin një zgjedhje të mirë informuar.
Gjithashtu pati edhe një mungesë të autoritetetit për të monitoruar fushatat zgjedhore online”, u raportua nga OSBE/ODIHR.
