Pas shtyrjes së vendimit për Ramush Haradinajn në gjykatën në Colmar të Francës, ka reaguar AAK-ja duke thënë se shtyrja edhe për një muaj e vendimit për Ramush Haradinajt në Francë, është abuzim me drejtësinë.
“Vendimi është i palogjikshëm, dhe krejtësisht i pakuptueshëm. Është e habitshme se si autoritetet gjyqësore të Francës, janë vënë në shërbim të ish-bashkëpunëtorëve të Millosheviçit, të cilët përmes Haradinajt po e provokojnë rëndë stabilitetin dhe paqen në Kosovë”, thuhet në deklaratë.
AAK, dyshon se shtyrja e vendimit për lirimin e Haradinajt, është përpjekje e drejtpërdrejtë për menjanimin politik të tij.
Ne jemi të bindur se Haradinaj do të lirohet, sepse të ashtuquajturat dëshmi të Serbisë kundër tij, janë trillime dhe shpifje ordinere, por autoritetet franceze duhet ta kuptojnë se drejtësia e vonuar është padrejtësi, dhe ato po e vonojnë drejtësinë në rastin Haradinaj”- thuhet në reagimin e AAK-së.
