Partia La République en Marche e presidentit francez Emmanuel Macron ka ndryshuar emrin e saj në Rilindje. Lajmi është dhënë të enjten nga një zyrtar i partisë.
“Sot ne po iniciojmë një lëvizje për të rindërtuar La Republique en Marche në mënyrë që të vazhdojmë të zgjerojmë këtë lëvizje politike … në një parti politike që do të mbajë emrin e Rilindjes”, tha Stanislas Guerini në një konferencë për shtyp në Paris.
I rrethuar nga ish-kryeministri francez Edouard Philippe – themelues i partisë së qendrës së djathtë Horizons – dhe lideri i partisë centriste MoDem François Bayrou, Guerini njoftoi një koalicion elektoral midis tre partive në prag të zgjedhjeve parlamentare franceze muajin e ardhshëm. Rilindja do të nxjerrë 400 kandidatë, shtoi ai.
Sipas Guerinii vendimi për ndryshimin e emrit ishte për të treguar se partia “do të bënte gjithmonë zgjedhjen e iluminizmit kundër obskurantizmit”. Ajo do të jetë “e hapur për qytetarët, zyrtarët e zgjedhur, zyrtarët vendorë ngado që vijnë”, shtoi ai.
