Ish-Presidenti i Republikës, Bujar Nishani, kryetar i Këshillit Kombëtar të PD-së thotë se themelimi i partisë së re nuk është një zhvillim real, por i stisur.
“Ne jemi vend i lirë dhe kushdo mund të përfshihet në politike, por këtu çështja është gjetkë. Edi Rama ka 20 vite në pushtet dhe nuk ka ofruar asnjë shërbim e kontribut publik”, tha ai gjatë një interviste televizive.
Sipas Nishanit, Rama ka vite që financon për asgjësimin e opozitës, siç po e bën sipas tij dhe me këtë lëvizje.
Ndërkohë Myslim Murrizi ka thënë se të shtatë deputetët që kanë krijuar grupin e ri në Parlament nuk i janë bashkuar nismës së Astrit Patozit për krijimin e partisë së re, “Bindja Demokratike”./Opinion.al
