Ka nisur me debate seanca e sotme që është edhe e fundit për këtë sesion parlamentar. Opozita është kundër kandidatëve të mazhorancës për Këshillin Mbikqyrës të Bankës së Shqipërisë.
Taulant Balla tha se Ridvan Bode ka qenë ministër i PD, ndërsa Spaho iu përgjigj që në këtë rast Bode nuk është propozuar nga opozita për në BSH por është kandidaturë e Edi Ramës.
Balla: Jam i gatshëm që të hapet proces verbali i konferencës së kryetarëve nëse është ngritur një shqetësim i tillë. Ka një procedurë parlamentare por ju që e keni bërë parlamentin si shkollë nate nuk e dini. E drejta për të mbështetur kandidaturat na takon dhe nuk e negociojmë. Për herë të parë, Rama ka zgjedhur 2 kandidatura nga opozita. Të më thuash ti që Ridvan Bode është i kapur. Nuk mund ta thojë Oerdi kur ai ka qënë ministër në dy qeveri të Berishës. As zonja Tavo nuk është përfaqësuese e PS-së. Dje ishte votimi, mos të shkonit të flinit gjumë. Erdhët gjoja për të bllokuar dekretit të presidentit dhe përfunduat me dy vezë.
Bylykbashi: Ju kërkoni të kapni çdo lloj pushteti. Banka e Shqipërisë është organ i pavarur. Ligji e përcakton qartë që propozimet nuk vijnë nga një organ i vetëm. Shihni praktikën që është në të shkuarën. Bie çdo lloj kontrolli, e gjitha është në xhepin e kryeministrit. Na garantoni që BSH nuk bie në thundrën e Edi Ramës.
Spaho: Është e vërtetë që nuk kemi diskutuar në konferencën e kryetarëve por deklarata e kryetarit të PD ka qenë e qartë. Ridvan Bode nuk është përfaqësues i Partisë Demokratike, por i Edi Ramës. Nuk pranojmë që përfaqësuesit që duhet të propozojmë ne, ti caktoni ju. Tregoni një dokument që ke bërë me PD-në apo pakicën para se të thuash se ke ndjekur rrugën ligjore. Nuk ka kalojnë tre kandidatura të kuvendit me 28 firma.Referoju kushtetutës dhe rregullores. Rastet i ke të qarta.
