Me 69 vota pro të mazhorancës dhe pa prezencën e opozitën Kuvendi i Maqedonisë ratifikon marrëveshjen mes Maqedonisë dhe Greqisë për çështjen e emrit.
Kryeministri Zoran Zaev në fjalimin e tij në seancën kuvendore për ratifikimin e marrëveshjes me Greqinë tha se qytetarët do ta sjellin vendimin përfundimtar për çështjen e emrit.
“Para tre ditëve nënshkruam dokument për t’i dhënë fund çështjes tre dekadëshe. Kemi nënshkruar fillimin e fundit të paqartësive. Zgjidhje e dinjitetshme për të dyja palët. Gjuha dhe identiteti nuk do të shkelen nga marrëveshja”, deklaroi Zoran Zaev.
Zaev kërkoi mbështetje nga deputetët duke thënë se kjo është një ditë e madhe për Maqedoninë.
“Kjo ditë e bën të qartë se do të marrim datë për fillimin e bisedimeve me BE-në”, deklaroi Zoran Zaev..
Deputeti i BDI-së Artan Grubi tha: “Jeta të mëson se vendimet duhet t’i sjellësh në kohë të duhur, jo vonë, por në kohë të saktë. Sot është koha e vendimit më të vlefshëm për të ardhmen tonë të përbashkët. Vendimi i sotëm na sjell datë për negociata me BE-në dhe ftesë për anëtarësim në NATO”.
