Ditën e sotme janë zgjedhur Kryesitë e Komisioneve Parlamentare dhe anëtarët socialistë në Kuvendin e Shqipërisë. Kuvendi miratoi kryetarët dhe zevendës-kryetarët e propozuar nga Partia Socialiste, ndërsa emrat e propozuar nga PD nuk u votuan.
Kjo pasi emrat e miratuar në Grupin e PD-së nuk janë depozituar zyrtarisht në Kuvend, prandaj edhe nuk u hodhën fare në votim.
Në sallë ishin 78 deputetë prezentë, 77 prej të cilëve votuan pro emrave të propozuar, një deputet votoi kundër, ndërsa abstenim nuk kishte asnjë.
Po ashtu bëhet e ditur se PD bojkotoi seancën e sotme plenare, ndërsa Partia e Lirisë ishte e pranishme në sallë.
