Parlamenti diskuton sot për zgjedhjet, por Kryeministri mungon

Parlamenti mblidhet sot në seancë plenare në orën 10:00. Në rendin e ditës, i fundit për nga radha është projektvendi “Për ngritjen e komisionit të posaçëm parlamentar për Reformën Zgjedhore” që miratohet me shumicë të thjeshtë. Pikërisht kjo çështje u bë shkak për reagimin e ashpër të opozitës të enjten e kaluar që çoi në ndërprerjen e seancës. Kësaj radhe parlamenti ka parashikuar debate për këtë pr/vendim, kësisoj opozita do të ketë mundësi të shprehet për parregullsitë në zgjedhjet e 25 qershorit. Por kësaj radhe në sallën e parlamentit nuk do të jetë kryeministri Edi Rama, i cili ndodhet për një vizitë dyditore në Italinë fqinje. /Opinion.al