Parlamenti britanik ka miratuar amendamentin që kundërshton çdo dalje të Britanisë nga Bashkimi Evropian pa marrëveshje. Parlamenti ka votuar me 312 vota për një dalje të Britanisë me marrëveshje dhe 308 kundër.
Votimi i së mërkurës është rezultat i refuzimit të planit të kryeministres May për largim nga blloku evropian, për herë të dytë me radhë.
Britania ishte planifikuar të largohej nga BE-ja më 29 mars të këtij viti, por tani ekziston dilema nëse një gjë e tillë do të ndodhë në kohë, pasi ka mosmarrëveshje në Britani për lidhjen që do të ketë shteti i tyre në të ardhmen me BE-në.
Çështja kryesore e diskutimit mbetet kufiri irlandez dhe kufiri i ashpër që mund të vendoset aty për mallra pas 29 marsit. Vendimi për Brexit ka ardhur pasi 52 për qind e votuesve kanë votuar për dalje të Britanisë nga BE-ja në krahasim me 48 për qind që kanë kundërshtuar atë, në referendumin e mbajtur më 2016./Opinion.al
