Ka nisur seanca plenare e kësaj të enjteje, ku fjalën e ka marrë i pari, deputeti i PD-së, Edmond Spaho. Ai tha se Qeveria nuk po u vjen në ndihmë familjeve të përmbytura në Shqipërinë e Mesme dhe në Veri. Po kështu tha Spaho askush nga ekzekutivi nuk ka shkuar në shtëpinë e viktimës së Klosit, ku u mbyt 44 vjeçar Xhevahir Ndoj, babai i 4 vajzave.
Sipas tij, nuk po bëhet asgjë për gjetjen e trupit të tij. “Janë vetëm 3 policë që presin në bregun e Matit që lumi ta nxjerrë vetë trupin e të ndjerit”, tha ai.
Sipas deputetit demokrat janë me mijëra hektarë tokë të përmbytura, biznese të shkatërruara, diga e prita që i ka marrë uji, mijëra familje të izoluara.
“40 mijë abonentë ose thënë ndryshe 200 mijë qytetarë kanë qenë mbrëmë pa energji elektrike”, tha me tej Spaho ne foltoren e parlamenti.
Situata e vështirë, tha ai, është krijuar nga reshjet dhe nga shkarkimit i HEC-ve. “Si asnjëherë kemi 3 viktima uroj që në ditët e ardhshme numri të mos rritet”, veçoi ai.
Sipas Spahos, nuk mund të fajësohet Qeveria për motin, por ama ajo duhet të kishte reaguar. “Shohim vetëm demagogji, asnjë ministër apo vetë Kryeministri nuk shkojnë në terren”. Ai veçoi Ministrin e Transporteve, Sokol Dervishi dhe deputetin Pandeli Majko të cilët kanë parë situatën e përmbytjeve nga afër”. /Opinion.al
