Tre të rinj kanë rënë në prangat e policisë pasi parkuan automjetin e tyre në mes të rrugës në Laç, si dhe nën efektin e pijeve alkoolike, prishën qetësinë publike.
Mësohet se 3 të rinjtë gjithashtu kundërshtuan punonjësit e Policisë që ndërhynë për t’iu lëvizur automjetin dhe për të ndaluar zhurmën.
Në pranga kanë rënë shtetasit A. S. 24 vjeç, K. L. 24 vjeç dhe A. R. 23 vjeç, të tre banues në Kurbin, pasi mesnatën e djeshme, kanë parkuar automjetin e tyre në mes të rrugës kryesore të Laçit dhe dyshohet se nën efektin e pijeve alkoolike, kanë shkaktuar zhurmë duke vënë muzikë të lartë në automjet, sjellje e cila ka shqetësuar banorët e zonës./Opinion.al
