Ditën e sotme është nënshkruar marrëveshja për kredinë dhe grantin e financimit nga BERZH të projektit për ndërtimin e Parkut Fotovoltaik të Belshit, në bregun verior të liqenit të Thanës.
Në konferencën për media, ministrja e Infrastrukturës dhe Energjisë, Belinda Balluku tha se ky park do të ofrojë energji elektrike për rreth 50 mijë qytetarë të Republikës së Shqipërisë.
“Kapacitetet vjetore të tij do të jenë 79 GWh dhe do të reduktojë 50 mijë ton CO2 (dioksid karboni). Shënon një hap të rëndësishme të integrimit të zonave të reja në rrjetin energjitik”,tha Balluku.
Kjo mbështetje financiare për projektin vjen me 9.58 milion euro (23% e vlerës së investimit) në formë granti e shoqëruar me një hua nga Banka Europiane për Rindërtim dhe Zhvillim, 30 mln euro.
“Për 6 muaj, kompania fituese e këtij tenderi duhet të dorëzojë projektin e detajuar dhe më pas 12 muaj janë të mjaftueshëm për ndërtimin e kësaj vepre”, nënvizoi ministrja.
