Ministrja e Infrastrukturës dhe Energjisë, Belinda Balluku, në një aktivitet të organizuar sot për nisjen dhe ndërtimin e Parkut fotovoltaik të Karavastasë tha se parku do të nisë të prodhojë energji diellore nga mesi i vitit 2023. Dhe prej kësaj periudhe e 15 vitet në vijim, Shqipëria do të marrë 70 megavat orë me 24.89 Euro.
“Siç përmenda më parë kur megavat orë shitet më shumë se 300 Euro sot dhe parashikohet që të rritet ky çmim në tregun ndërkombëtar, Shqipëria do të ketë mundësinë që në 15 vitet e ardhshme duke filluar nga mesi i vitit 2023 kur ky park do të jetë në prodhim ne të kemi 70 megavat orë të disponueshme me 24.89 Euro”, tha Balluku.
