Këshilli Bashkiak i Elbasanit ka vendosur të aplikojë tarifën e parkimit me pagesë.
Kështu Bashkia e Elbasanit do të jetë e treta bashki ku do të aplikohet parkimi publik me pagesë pas Tiranës dhe Korçës.
Sipas tarifave të miratuara, parkimi do të jetë 50 lekë për një orë, ose tarifim mujor prej 1500 lekësh të reja për rezidentët.
Ky vendim ishte miratuar vite më parë por nuk ishte zbatuar.
Rrugët që do t’i nënshtrohen parkimit me pagesë janë ato kryesoret e qytetit, që kanë dhe më shumë ngarkesë.
Bashkia parashikon që administrimin dhe arkëtimin e parkimeve me pagesë ta bëjë vetë, pa kontraktuar firma private apo institucione të tjera.
Nuk dihet si do ta presin qytetarët këtë vendim ndërkohe që sipas të dhënave të INSTAT për Prodhimin e Brendshëm Bruto rajonal, 2018, Elbasani renditet i parafundit me një PBB për frymë rreth 398 mijë Lekë, 30% nën mesataren e vendit. /Opinion.al
