Franca në përgjithësi ka krijuar shpesh hapësira të veçanta për nudistët. Plazhet e shumta, pishinat, udhëtimet me varka të cilat mund të shijohen komplet lakuriq kanë qenë gjithnjë pjesë e Francës. Por tashmë në Paris do të hapet restoranti i parë ku njerëzit mund të shijojnë ushqimin nudo.
“O’naturel”, quhet restoranti i cili u inaugurua këtë të premte, pas një darke të suksesshme dhe private mes disa personave nudistë, pjesë e një shoqate. Pronari i këtij restoranti ka treguar se askush nuk shqetësohet pasi nuk mund të shohësh asgjë nga jashtë. Njerëzve u kërkohet të heqin rrobat që në momentin që futen në restorant. Çmimet janë mëse të përballueshme pasi nuk i kalojnë më shumë se 30$ për pjatë.
Janë më shumë se 2.1 milionë francezë të cilët po e kthejnë nudizmin në stil jetese.
